【Now財經台】油服股山東墨龍(00568)今朝輕微高開1%後，一度逆市炒高24%，高見3.2元，衝上5個月高位，半日收報2.98元，升逾15%。
山東墨龍嘅主要客戶有齊「三桶油」中國石油股份(00857)、中國海洋石油(00883)同中國石油化工股份(00386)，但自2021年起兩年總共勁蝕逾8億人仔，今年首季仍蝕約8000萬人仔。
對於過去兩年純利徘徊喺虧損邊緣，公司喺上年業績中，歸咎於部分產品定單不足、部分生產線開工不足，以及主要原材料煤炭價格上升。
睇返技術走勢，山東墨龍股價今日突破上升旗形，成交量亦顯著增加，後市可上望3.6元水平。此外，山東墨龍暫時係AH股中升幅最大個股，依家H股仍較A股有40%折讓。
