【Now財經台】B仔股加科思(01167)股價今朝大幅低開15%，下午2時30分後跌幅突擴大至近26%，低見4.59元，收市仍跌25%，報4.63元，錄得上市以來最大單日跌幅。
加科思噚日收市後公布，瑞士艾伯維(AbbVie)藥廠終止同公司合作嘅1款抑制劑全球開發與商業化協議，但公司聲明指，暫時無法確保能成功開發及最終成功銷售該產品。
加科思去年收入主要來自呢份協議產生嘅研發成本報銷所得，雖然AbbVie指會繼續報銷預先批准嘅所有費用，但未來肯定會影響加科思收入。
加科思股價已跌至7個月低位，除非產品研發有新突破，或搵到新合作夥伴，否則，股價或要下試舊年11月低位，即3.3元水平。
