【Now財經台】內地喪炒自動駕駛概念，汽車部件板塊今日抽升，其中以浙江世寶(01057)升得最勁，A股已連續3日漲停，港股今日最多爆升逾37%。
英皇資本財富管理方案研究總監陳錦興表示，浙江世寶股價過去兩年每逢年中就會升得好誇張，但好快就回落，佢提醒投資者要小心風險。佢補充，集團基本面唔係特別強，市值細、業績一般、利潤率頗低，更重要係，集團嘅自動駕駛相關產品只係研發中。
Stanley續指，德昌電機控股(00179)上半年跑贏大市，加上基本面更強，除咗有穩定嘅歐美市場，亦有實際產品支持無人駕駛技術，相信中期業績發布前，仍有反覆上升動力。
