【Now財經台】港股噚日喺下半年開局兼「翻身月」開個靚頭，其中，電動車股齊齊「踩油上」，美股嘅電動車股亦「叉足電」，其中，Tesla噚晚收市急升近7%，主要受交付量破紀錄刺激，同業Rivian更勁升17%。雖然Tesla股價持續強勢，但相關概念股就跟唔上Tesla升勢，究竟Tesla概念股嘅產業鏈可唔可以受惠？
利達LW基金經理及合夥人黃耀宗指，在港上市嘅Tesla概念股主要睇中國市場銷售數據，雖然Tesla最新交付數據反映已走出谷底，但市場對呢個勢頭可唔可以持續仍然存疑。佢又話，毛利回升係另1個重要因素，取決於整個供應鏈，以及原材料成本下降，而電池股估值相對較易反彈，例如贛鋒鋰業(01772)就較易吸引到外資。
