【Now財經台】內地牙齒隱形矯治龍頭時代天使(06699)今日除淨，股價逆市向下，早段一度急挫15%，低見61.2元，創新低，半日仍跌逾5%，報68.35元。
集團上周五(30日)收市後出通告，指創始人李華敏因為家庭原因，將辭任首席執行官，由具備數字化科技背景，有大型牙科企業管理經驗嘅胡杰章接棒，月底生效。身為時代天使嘅太子女，李華敏喺內部信件提到，自已退下來係因為新階段嘅時代天使需要一個具有數字化科技理念同全球化戰略嘅核心領導團隊。
公司於2021年6月登陸港股，首掛股價收市衝到400元樓上，較招股價173元大升約1.3倍，但上市約7個月後股價輾轉回落，正式失守上市價，業績增長動力亦明顯放緩，去年純利倒退25%。
雖然大摩報告指，目前持股12%嘅李華敏退下來後未有計劃減持，但都先沽為敬，後市可以觀望新CEO接捧後能否帶領公司業務重新加速。
