【Now財經台】嘉里物流(00636)今朝低開近4%後，沽盤隨即湧現，其後一度跌逾8%，低見9.06元，之後續於日內低位徘徊，成交股數較過去100日同時段平均增逾1倍。
嘉里物流噚日收市後發盈警，預期今年財務表現同去年比較有顯著落差，估計今年首5個月核心賺不足3億元，但去年上半年核心純利逾23億元，大跌87%。
嘉里物流股價於新冠疫情高峰期見頂，隨著疫情消退，內地放棄清零政策，股價反覆回落，今年暫時累跌35%，今日再下試2021年2月劃出嚟嘅支持線，MACD喺熊區嘅快線亦快將跌穿慢線，如果跌穿呢個支持位，股價可能要回調至疫情前水平。
