【Now財經台】氫能概念股億華通(02402)今朝高開近7%後，升幅一度擴大至26%，高見48元，逼近48.5元嘅上市高位，其後升幅收窄，公司上市5個幾月，除左首掛當日，之後成交都唔算活躍，暫時成交金額逾1400萬元，成交股數較過去100日同時段平均增8倍。
氫能概念股今日全線爆升，估計係受甘肅省啟動光伏離網製氫項目招標有關。
億華通股價今日逼近上市高位，但仍較60元嘅招股價「潛水」逾20%，始終內地氫燃料電池汽車行業仍喺燒錢階段，產品只集中商用車，相關企業又好依賴政府補助，相信喺氫燃料電池汽車普及前，相關企業都要捱下。
