【Now財經台】截至早上11時止，1小時内《彭博》用戶關注度上升最多港股，依次為騰訊控股(00700)、美團(03690)、藥明生物(02269)、友邦保險(01299)及比亞迪股份(01211)。
美團噚晚公佈，創辦人之一嘅王慧文因健康問題辭任，美團股價今朝走勢反覆，一度跌逾1%，反映消息影響唔大。除咗美團，京東物流(02618)都有高層辭任，呢啲大型科網、平台股嘅人事變動消息，係咪影響股價嘅重要因素？
富昌證券聯席董事譚朗蔚指，美團股價偏軟，均線較空頭排列，加上個別人士辭任係大型科企嘅趨勢，市場已經消化咗。佢又指，ATM股價主要跟大市走，因此，唔好因為個別股份嘅股價升少少就過分樂觀。
Stevan又指，雖然近幾個月嘅監管消息少咗，但監管仍然存在，並認為對行業嚟講已經係常態，投資者毋須過分解讀人事變動消息，集中留意行業、企業前景比較好。
