【Now財經台】嘉里建設(00683)繼去年1月之後，再買入一幅位於上海黃浦區嘅地皮，睇返嘉里今日股價，市場反應都幾負面，係咪擔心買得太貴，推高負債水平，同埋令現金狀況惡化。值得留意係，今次成本價係低過舊年嗰幅地皮，可能同上一幅地主要起住宅，今次以商業項目為主有關，從股價睇，市声又點睇呢單deal？
南華金融集團高級分析師莫灝楠表示，今次個價唔係特別平，但尚算合理，但其實唔係賺唔賺錢嘅問題，而係現金流問題，買呢兩幅地皮合共涉及約96億港元，對嘉里嚟講負擔唔細，因為公司市值僅逾200億元，加上負債比率高達40%，市場主要擔心公司現金流，同埋食唔食得晒整個project等。
