【Now財經台】粉筆(02469)股價今朝大幅低開近15%後，跌幅一度擴大至逾38%，低見3.7元，但喺4元樓下有少少買盤，最新喺4元水平爭持。
日返線圖見，粉筆已連開幾枝陰燭，股價連續第3日創上市新低，但今朝見到有唔少北水撈貨，成交相當多。
粉筆月初納入恒生綜指成分股，北水可以買賣，唔排除有貨嘅北水喺半年禁售期屆滿前先行獲利。
值得留意係，騰訊控股(00700)、高瓴呢啲上市前投資者嘅禁售期，下月初就屆滿，現價已較招股價「腰斬」，雖然今朝有唔少北水撈貨，但如果上市前投資者真係減持，股價都好難有運行。
