【Now財經台】蒙古能源(00276)股價今朝低開近4%後，跌幅急速擴大，午後沽壓再現，跌幅進一步擴大，曾瀉逾21%，低見0.79元，暫時成交金額逾200萬元，不過，成交股數係7個月以嚟單日最多，亦較過去100日同時段平均激增約35倍，股價重挫相信同全年業績有關。
蒙古能源全年虧損擴大至16億元，較前1年蝕多咗近13億元，值得留意係，獨立核數師就呢份業績發出「非標準審計報告意見」。
蒙古能源今日一跌，已跌穿所有主要移動平均線，喺短期缺乏利好因素下，暫時先睇返月初低位，即0.74元水平，呢個亦係去年3月中低位，一旦失守，就要睇2021年7月低位，即0.65元水平。
