【Now財經台】醫思健康(02138)股價今朝低開後，跌幅擴大，一度低見4.34元，大跌11%，其後跌幅收窄，並重上返4.5元水平，成交非常活躍，成交股數較過去100日同時段平均增4倍。
醫思健康喺周五(23日)出全年業績前發盈警，估計全年最多少賺61%，睇返公司股價，亦年初近10元，跌到今日暫時低位，跌幅約60%，反映市場睇淡公司業績。
雖然醫思健康近日跟隨大市回升，但走勢仍比大市弱，亦上唔返50天線，今日受盈警拖累下跌，宜留意周五公布嘅業績，管理層點睇業務復甦情況，並要留意派息，睇返中期業績，雖然少賺50%，但中期派息比率仍達85%，公司係咪會繼續維持高派息比率，都會對股價有一定影響。
