【專家分析】東岳盈警令市場震驚

【Now財經台】東岳集團(00189)噚晚發盈警，預期今年首5個月少賺83%，估計截至6月底止半年，純利或大幅下跌，原因係主要產品平均市價按年大跌，雖然原材料成本下降，但都彌補唔到，導致收入減少及利潤率下跌，東岳股價今日一度急瀉21%，低見5.58元，跌勢亦有成交配合，係咪令人感到意外？

耀才證券研究部總監植耀輝指，東岳主要從事化工業務，近兩年業績表現強勁，不論增長及盈利表現都好靚仔，令市場對東岳有一定期望，因此，呢個盈警的確令市場震驚，導致股價插水，反映投資者對盈警嘅負面睇法。