【Now財經台】金融壹賬通(06638) ADR噚晚大幅飆升後，港股今日高開逾14%後，升幅擴大，尾市一度高見1.47元，勁升逾51%，收市報1.41，仍大升逾45%，成交股數較過去100日同時段平均大增18倍。
壹賬通股近日失守1元關口，淪為毫子股，ADR噚晚突然異動，但公司近期未見傳出重大利好消息，相信呢浸升勢純粹因股價低殘。
睇返技術走勢，RSI已經有大半月時間貼住20嘅極超賣水平，股價今日喺冇消息下飆升，暫時只能視為極超賣後嘅技術反彈，除非壹賬通短期或於下個月初上市滿1年有大動作，否則，單睇基本因素，集團成立至今都未賺過錢，單靠資金及概念炒起，升勢都唔會長久。
