【Now財經台】噚日被摩根士丹利唱好嘅ASMPT(00522)，股價今日創52周新高，仲一升到尾，一度炒高逾13%，高見84元，收市報83.8元，升近13%，成交顯著增加，成交股數較過去100日同時段平均增4倍。
作為半導體行業嘅下游供應商，ASMPT主力為半導體及電子產品製造，提供硬件及軟件解決方案，大摩噚日將ASMPT評級上調至「增持」，目標價由66元調高至88元。
睇返日線圖，ASMPT今日大陽燭抽升，升穿保歷加通道頂，14天RSI已升至74嘅超買水平，對上幾次升到70樓上，股價就算再升都要先整固一下，暫時以中軸，即68元水平作為短線支持。
