【股市脈搏】等知行回落到呢個位再諗

【Now財經台】知行集團控股(01539)今日復牌，股價高開17%後，升幅一度擴大至逾24%，高見0.51元，暫時成交逾500萬元。

知行上周五早上宣布停牌，收市後公布計劃發可換股債券(CB)，公司原本計劃噚日復牌，但開市前指復唔到牌，原來要澄清今次發CB唔係一般授權，要開股東特別大會，得到股東會通過，新股東先知道可唔可以買呢批CB。

知行今日復牌大升，喺業務有憧憬下，加上股份市值細，唔排除再有炒作，但RSI已升至80嘅超買水平，如果想買貨嘅投資者，睇下有冇機會等股價回落至0.4元水平先上車。