【Now財經台】內地酒吧股海倫司(09869)近期動多多，除咗拓展海外市場，亦再啟動招攬加盟店，但股價仍創上市新低，股價今朝平開，但已經係全日高位，由頭跌尾，一度低見6.92元，跌4%，仲跌穿埋內地全面開關前嘅疫情低位，即7.2元，收市僅跌0.5%，報7.18元，但已連跌第6個交易日，成交顯著增加，成交股數較上周五大增1.4倍。
集團上市後虧損顯著擴大，股價上市約半年就開始長期「潛水」，今日收市價較招股價19.77元，低逾63%。
為咗扭轉劣勢，海倫司過去1個月連番出招，喺新加坡開設首家海外門市，又喺內地及東南亞招募加盟店，公司係咪可以靠呢兩招翻身，仍有待觀察。
