【Now財經台】Tesla美股今年累升逾80%，暫時跑贏蘋果公司約36%嘅累計升幅，但就跑輸Meta、Nvidia逾倍嘅升幅。不過，Tesla最近創下逾兩年以來最長嘅連升紀錄，股價暫時9連升，係咪Tesla上半年嘅減價策略見效，繼而帶動股價？股價下半年可唔可以再「踩油上」?
LW利達基金經理及合夥人黃耀宗指，AI應用發展及其強大充電裝置市場，有助Tesla透過被動收入模式擴大市場，佢估計，Tesla股價有機會升至250美元至280美元。
Andy續指，相信減價戰已經結束，Tesla已證明公司捱過低潮。此外，Tesla研發費用係全球10大電動車企中最低，反映集團過往嘅研究對降低研發成本有好大幫助。
