【Now財經台】內地今朝出咗5月通脹數據，內地居民消費價格指數(CPI)升幅輕微擴大至0.2%，但工業生產者出廠價格指數(PPI)連跌8個月，按年跌4.6%，表現係2016年2月以嚟最差。另一方面，噚日有多家國有大型內銀減人仔存款息，市場認為係為人民銀行減息鋪路，而最終存款及貸款利率都會下調。喺以推動整體經濟嘅前提下，中央嘅政策會點走？
澳新銀行高級經濟師王蕊指，內地通脹數據符合預期，雖然上個月嘅CPI企穩，但扣除能源及食品價格嘅核心通脹要跌，加上PPI進一步收縮，佢坦言，比較擔心中國供應及上游通脹，並估計人行近期減息降準嘅可能性會增加。
Betty又指，人行應該會先降準，再評估內銀減貸款市場報價利率(LPR)嘅效果，然後再決定係咪減息。佢認為，後市要留意7月召開嘅中央政治局會議，因為對下半年經濟政策走向有好大指導性。
