【Now財經台】GBA集團(00261)今朝低開7.5%後，跌幅一度擴大至15%，低見0.034元，成交暫時逾42萬元，成交股數較過去100日同時段平均增約4倍。
GBA最新公布，擬以每股0.03元，供股集資最多逾5000萬元，供股價較昨日收市價折讓25%，集團今年3月及4月，曾收購餐飲公司及成立直播業務公司，但因為去年仍錄得虧損，所以要集資用作營運資金。
值得留意係，GBA主要股東係持股近12%嘅TOP PIONEER，已經承諾供股，包銷商係元庫證券，如果冇合資格股東供股，包銷商股權最多可以去到近40%，所以要留意今次供股結果會唔會令公司股權變得集中。
