【Now財經台】經濟合作暨發展組織(OECD)及世界銀行都上調今年經濟增長預測，其中，OECD估計，今年全球經濟增長2.7%，低於2013至2019年，即疫情前7年平均水平。雖然今年增長唔係太理想，但2.7%嘅增長預測，仍略高於3月時估計嘅2.6%，雖然上調幅度唔大，但係咪都反映環球經濟情況較預期好？原本預期嘅經濟衰退短期都唔會出現？
資深經濟師羅家聰估計，上半年經濟表現唔會太差，但下半年就會比較惡劣，今次經濟衰退同以前唔同，衰退會續漸浮現，並會喺唔同範疇出現，但影響有唔同程度，所以衰退唔會太明顯。KC又提醒，當經濟衰退浮現，之前預測嘅數據就會急轉直下。
