【Now財經台】截至早上11時止，1小時內《彭博》用戶關注度上升最多港股，依次為比亞迪股份(01211)、騰訊控股(00700)、遠洋集團(03377)、碧桂園(02007)及美團(03690)。
《彭博》今朝報道，遠洋1隻2027年到期嘅美元債，價格錄得兩個月以嚟最大升幅，不過，現價只等如面值20%，雖然中國人壽(02628)係主要股東，而集團4月銷售亦按年增長近3%至70億人仔，但遠洋股價一直跑輸，集團就快出5月銷售數據，呢隻股份值唔值得睇好？
大華繼顯執行董事梁偉源指，成個內房板塊未見明顯轉勢，睇返最近銷售數字及主要城市嘅樓價都係比較弱，雖然中央拯救內房嘅政策已推出一段時間，但內房市場似乎受惠唔多，因此，佢對內房5月銷售數據唔太樂觀。
