【Now財經台】海昌海洋公園(02255)股價已連跌第3日，今朝平開後，隨即向下，並愈跌愈急，一度瀉逾37%，低見0.97元，曾兩度進入「冷靜期」，成交顯著增加，暫時成交金額逾3.2億元，成交股數係過去100日同時段嘅14倍。
其實海昌海洋公園股價舊年11月底亦突然急挫，市傳控股股東有意售股，雖然公司當晚出通告澄清，但股價依家仲未上返急跌前水平。
海昌海洋公園股價今日喺大成交下再急插，暫時未見公司出通告交待，不過，集團股價相隔約半年又插水，難免令人猜測公司係咪出咗問題，而北水已連續10日掟貨，除咗控股股東持股近50%，另一名主要股東歐力士株式會社都持股近15%，要留意佢哋有冇動作。
