【Now財經台】創新奇智(02121)股價今朝低開近4%後，跌幅一度擴大至逾12%，低見20.6元，暫時成交金額逾4000萬元。
創新奇智主要喺內地做研發及銷售人工智能(AI)軟件和產品，集團最新公布擬以每股19.7元，較噚日收市價折讓約16%，配股集資最多3.9億元。創新奇智舊年喺香港上市，近日趁股價上到約兩個月高位，即23元水平，就宣布配股。
雖然AI熱席捲全球，但今次配股仍有一定折讓幅度，拖累股價今日受壓，但仍未跌穿配售價，值得留意係，部分IPO股東嘅1年禁售期年初已經屆滿，但承諾再延長半年，即最快下個月就解禁，要留意到時會唔會有股東沽貨。
