【Now財經台】港股近日勢頭唔錯，好淡友部署都比較進取，熊證重貨區依家19400點水平，同現價都比較接近，收回風險係咪較大？今日有冇新嘅貼價牛證應市？
瑞銀亞洲股票衍生產品銷售部李梓維指，熊證重貨區暫時企穩19000點以上，加上噚日升市後有回調，整體資金流入牛證多過熊證，而熊證喺19400點水平有極大收回風險。佢又提醒，投資者做部署時要避開收回價19700點水平，因為恒指數再上望就係250天線，即19600點水平。
Alivin又話，牛證方面，噚日喺18400點水平有最多資金流入，今日有一批新牛證上市，收回價約18949點，同現貨有啲距離，可以根據呢個位置做部署。
