【Now財經台】美國債限危機暫時解除，市場預期，由於美國政府可「海量」發債，導致美債價格受壓，憧憬資金或加快由債市流向股市，美銀之前上調美股目標價，預期標指年底前將重上4600點，未來12個月更有16%上升空間。美國違約危機醞釀期間，美匯指數偏強，美元後市會點走？
瑞信大中華區首席投資總監邵志銘指，債券利息上升，反而會吸引投資者加大債券投資，唔會如預期般流入股市，股市唔會特別受惠。美匯指數方面，預期短線會喺101至106整固，之前市場估計美元會開始跌，但最近傳出加息預期由減息0.75厘變成加息25點子或以上，令本身短倉美元嘅投資者減倉，再重新買入美元，因為聯儲局最終決定仍然係未知之數，因此，美元下行壓力減細咗，預期美元下半年有機會向下。
