【Now財經台】走中至高檔路線嘅九龍塘又一城、金鐘太古廣場，第1季零售商戶表現按年增長超過60%，中環置地廣場嘅零售表現亦大幅反彈至僅低於疫前水平。
滙豐證券最新報告預期，零售收租企業嘅盈利復甦勢頭良好，有望進入估值向上重估嘅周期，並推薦九龍倉置業(01997)、恒隆地產(00101)、希慎興業(00014)。
亨達財富管理董事總經理姚浩然認同，高檔商場嘅零售收租股前景可看高一線，並指高端消費群體嘅消費能力較少受到疫情影響，加上美國聯儲局有機會今個月停加息，對息口敏感嘅地產股有幫助。
Patrick指佢嘅心水股係九置，但佢提醒，疫情後有部分商場需要大劈租金先吸引到租客，建議中長線投資者選股時留意該企業嘅租務回報有冇改善。
