【Now財經台】截至早上11時止,1小時內《彭博》用戶關注度上升最多港股,依次為騰訊控股(00700)、龍湖集團(00960)、美團(03690)、碧桂園(02007)及安踏體育(02020)。
今朝重磅科技股反彈帶動大市向好,騰訊半日升近5%,收報331元,美團亦升逾5%至119.1元。今日收市後恒生指數季檢換馬,將上調騰訊、美團嘅權重,會唔會刺激到股價?
大華繼顯執行董事梁偉源認為,美國債務上限問題解決後大市氣氛轉好,加上美元回軟有利騰訊等科技巨企嘅營收表現,而出現科技股呢輪反彈。不過,佢估計,恒指權重調整未必吸引大批資金即時追入而帶動股價,因為大型投資者通常會喺收市後先跟進。
Steven續指,之前港股氣氛麻麻,即使科技公司業績改善,股價都冇點郁動,今日升幅明顯亦係反映返之前嘅利好消息。