【now.com財經】今朝揀咗隻恒指熊(64944)，計劃等五分鐘圖嘅Slow STC(14,3)上返超買位的話，就當一注Swing Trade出場；而進取嘅過底線都可以都可以出動，不過注碼上就留意一下咁啫。
以今朝Patreon出文時間為10點25分計，如常的on top比多10分鐘作為買貨時間，即10點35分再睇返個五分鐘圖，見到指數已經低走咗條底線都好一段時間，而由於當時保歷加通道口拓闊嘅關係，所以都等唔到Slow STC(14,3)上返超買位。出動進取方法的話，(64944)由10點35分起計，如常的用10分鐘作為買貨時間，即10點35分至10點45分，期內(64944)高低位做過0.068元/0.062元計，平均買入價為0.065元。
目前為1點27分，恒指最低見過18,109點，仲爭9點就可以落到18,000至18,099點呢個範圍，嗰層有成2,016張期指街貨，怕且今朝唔走，心口仲有個「勇」字嘅，嚟到依家都應該棄械投降。
當大家都等嗌緊「穿」18,100點嘅時侯，仍然Set住五分鐘圖10線作為量度線。(今日隻(64944)仲未食，期間觸及唔到量度線的話，咁完場前10分鐘會處理咗佢，就可以同【月度報告】埋數；晏啲要出去同肥貓拎部新水機返嚟，所以【月度報告】可能會再夜少少先至出現)
作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，志在搵餐下午茶。
作戰室七日免費試用：https://www.patreon.com/cbbcwar
