【Now財經台】市場擔心石油輸出國組織及盟友(OPEC+)會議會唔會加大減產力度,拖累油價噚晚大跌逾4%,中國海洋石油(00883)股價今朝裂口低開2.4%,其後跌幅一度擴大至4.2%,中海油上周破咗今年嘅上升軌,擺位方面,今朝成交活躍嘅CALL行使價都係今年高位,即13元水平,呢啲CALL係咪可取?
瑞銀亞洲股票衍生產品銷售部李梓維指,行使價約13元嘅中海油CALL都比較長身,個别去到2024年6月先到期,槓桿唔會好高,大約5倍,如果博反彈都足夠,但想睇短線啲、槓桿高啲,可能行使價要揀15.5元水平。
佢又提醒,中海油嚟緊會有一個較大嘅除淨,用牛熊證做部署就要留意...