【Now財經台】B仔股康諾亞(02162)今朝低開近5%後，跌幅不斷擴大，尾市一度低見37.3元，瀉27%，收市報38.6元，跌24%，全日成交金額逾5億元。
康諾亞股價今日急挫，同公司核心產品CM310被監管局要求交補充資料有關，康諾亞係B仔股，上市至今仍未有盈利，亦未有產品商業化，市場一直憧憬CM310可以成為首隻上市產品，估計銷售有望達50億人仔，雖然依家監管當局只係叫交補充資料，但難免令人擔心商業化進程有機會受阻。
康諾亞已插穿牛熊線，今日即市低位37元水平係之前嘅支持位，相對強弱指數(RSI)落到不足20嘅超賣水平，短線或會出現技術反彈，但市況始終唔明朗，接貨都要有「坐艇」嘅準備。
