【Now財經台】工蓋有限公司(01421)股價今朝高開14%後，升幅一度擴大至逾1.2倍，高見0.5元，午後升幅收窄，最新報0.425元，大升90%，雖然成交股數較過去100日同時段平均激增135倍，但成交金額只有逾100萬元。
公司噚晚公布配股集資消息，雖然集資金額唔多，但股價今日大幅飆升，公司市值一度炒高1倍至逾3100萬元。
不過，就唔建議入手呢隻跌極都有嘅股份，工蓋今日可以逆市大升，正正係股價夠殘，噚日收市價0.223元，遠低過帳面淨值3.249元，市帳率(PB)只得0.1倍，加上主席持股2016年遭斬倉後，股價一直係咁跌，而之前宣布20合1後，連合股價都跌穿埋，似乎都唔適宜入手。
