【Now財經台】栢能集團(01263)股價今朝高開逾7%，之後升幅一度擴大至逾11％，高見4.34元，但其後升幅不斷收窄，暫時成交金額僅逾400萬元。
美國晶片製造商英偉達(Nvidia)首季純利及收入均勝預期，股價盤後一度急升近30%，值得留意係，每次Nvidia股價異動，栢能股價都會有反應，Nvidia盤後急升，除咗業績，更重要係市場憧憬AI發展嘅需求。不過，栢能主業係顯示卡產品，主要用喺虛擬貨幣挖礦機，基本因素同Nvidia股價急升原因有根本性差異。
年初Nvidia股價開車，栢能又跟升，但升勢只keep到約2個月，股價今年首2個月一度累升36%，當時亦有成交配合，但之後無以為繼，到依家就累跌逾17%。
