【Now財經台】聯想集團(00992)中午出咗全年及舊年第4季業績，全年收入跌14%，股東應佔溢利跌21%，主要受第4季業績拖累，期內，收入跌24%，股東應佔溢利只有逾1億美元，差過預期，佔業務最大部份嘅個人及平板電腦業務，收入及經營溢利都跌超過20%，表現係咪預期之內？
南華金融集團高級分析師莫灝楠指，跌幅都算係預期之內，PC市場明顯萎縮緊，疫情期間唔少公司及消費者都因為WFH等原因換機，由於換機需求已經滿足咗，消費者唔會咁快有換機需求，令PC市場陷入低潮期，預期PC銷售會持續較差，加上全球消費情緒一般，電腦呢類冇迫切性嘅商品，需求自然較低，亦未能對聯想業績帶嚟好大刺激作用。
