【Now財經台】金源發展國際實業(00677)股價今朝喺大成交下急挫，開市後沽壓不加劇，一度瀉逾37%，低見0.75元，成交較過去100日平均大增逾9倍。
金源發展前稱金源米業，截至今年3月底止全年，稅前盈利1.43億元，按年大增逾3倍，受惠於業務重組，越南便利店業務收入及利潤亦顯著增長，雖然大數靚仔，但股價今日反高潮，喺大成交下急挫，可能都係同呢份業績有關，如果拆開上下半年睇，下半年稅前盈利其實係倒退。
金源今日一跌，低位一下子落到今年整個升浪0.236水平，最壞情況或要返到去成個升浪起點，即0.49元水平，即較現價有逾30%潛在跌幅，有貨嘅投資者要留意。
