【Now財經台】配售協議失效的毫子股華音國際控股(00989)今朝平開，半日最多升超過7%，高見0.495元，但股份本身平時成交都相當疏落，中午前都只係得40萬元成交。
華音主要做物管，市值得幾十億，公司4月28日出的通告宣布集資過億，不足一個月就宣布配售協議失效，通告披露是因為未能達成「先決條件」，即係過唔到監管部門，錢又集唔成，反映公司管治可能存在問題，消息負面。
背後最大原因可能是股東背景，去年8月引入的主要股東之一是有「道士股」之稱的中國投資基金公司(00612)，曾經在2019年離奇爆炒，市值突破幾百億，之後由鼎益豐改名做中國投資基金公司，但上日又出通告話要改返名做鼎益豐，而就係同一日華音配售協議就失效。
鼎益豐主席隋廣義，同時都係華音聯席主席，到底今次葫蘆裡賣咩藥？係咪又有財技搞作？就要繼續留意之後消息。
