【Now財經台】藍籌創科實業(00669)今日除淨,一開市已見全日高位,下午更跌至79元以下,相信係受隔晚集團大客戶,即家居用品零售商Home Depot上日公布的首季度業績,收入遜預期兼下調前景展望有關。
Home Depot截至4月底止首季度,收入按年跌4%至372億美元,純利倒退8.5%至逾38億美元,收入與市場期望落差幅度係二十年以嚟最大。Home Depot同時調低今個財年同店銷售預測至最多跌5%,係十四年以來首次預期全年倒退,原因係木材價格下跌、不利嘅天氣因素及消費市道充滿挑戰。
但花旗分析員就派定心丸,話創科實業股價下跌反而係吸納時機。而睇日線圖,股價變動幅度逐漸收窄,成交亦都萎縮,投資者宜等候股價有突破才再作行動。