【Now財經台】截至早上11點，1小時內《彭博》用戶關注度上升最多嘅港股，是騰訊控股(00700)、美團(03690)、碧桂園(02007)、中銀航空租賃(02588)及合景泰富(01813)。
中銀航空租賃今日股價升逾1%，上埋牛熊線。公司最新發布五年期美元債的定價，及訂購飛機消息。疫後復常之後係咪資金較少留意到佢？
資深證券分析師彭偉新話，市場主要會用航空股去睇市場係咪復甦，航空股是直接受惠於客量增長，而當航空公司要增添客機，到時先到航空租賃公司有利好因素，繼而推動股價。近期亦見到當企業如果喺海外集資，可以有足夠資金營運或增加投資的增長動力，都對股價都有利好幫助。
息率方面，市場預測中銀航空租賃有4.6厘左右水平，並不算吸引水平，但現時股價的預測市盈率是8.5倍左右，並不算高，就可能成爲推動股價向上嘅誘因。
