【Now財經台】中航科工(02357)以溢價發行新內資股畀國家產業投資基金，刺激股價一度逆市升逾8%，衝上10個月高位，成交亦配合升勢。中航科工本身都係央企，今次入股嘅國家產業投資基金最大股東係財政部，難怪股價今日反應正面。值得留意係，今次中航科工發內資股畀國家產業投資基金，而唔係發H股，似乎唔算係太利好。
南華金融集團高級分析師莫灝楠指，依家國際及外交形勢都比較緊張，呢個時候增資軍工股，未來可能會開發新產品或投資新軍備，呢啲都會有一個憧憬，所以對股價會有正面作用。
Casper又話，其實只要一發股就會對盈利造成攤薄效應，發內資股其實類似配股，只係呢啲股份唔可以流通，意味短期內沽唔到貨，依家股價企穩喺增發價樓上，投資者就會思考一下咁樣係代表乜嘢。
