【Now財經台】中字頭股份向上，但商湯(00020)要逆市跌，一度跌逾7%，失守所有平均線，下試上月低位。明晟指數(MSCI)指，商湯唔合符納入納入MSCI中國全股票或MSCI中國指數名單，因為商湯已被美國列為「非SDN中國軍工複合體公司名單」，即係被制裁，其實去年已知股份被納入名單，點解今日跌咁多？
元宇證券投資總監林嘉麒指，MSCI為好多基金公司會追蹤嘅指數，雖然之前有提及過，但今次正式被剔出，跟蹤MSCI指數嘅基金都要減持商湯。基金有主動型及被動型基金，主動型基金可以先係倉位到做調配，甚至可以先調整百分比，所以今日消息一出嚟，令跟蹤指數嘅基金調配，形成股份今日跌幅咁大。
