【Now財經台】截至早上11時止，1小時內《彭博》用戶關注度上升最多港股，依次為中國銀行(03988)、商湯(00020)、騰訊控股(00700)、比亞迪股份(02211)及碧桂園(02007)。
今朝大市向好，但商湯股價持續下跌，原因包括因為集團係被制裁股份，所以唔符合納入MSCI中國全股票指數或MSCI中國指數名單，其實商湯一直受制裁消息困擾，市場會唔會對MSCI嘅講法感到意外？
富昌證券聯席董事譚朗蔚指，都唔算好意外，明晟具歐美方面背景，尤其依家禁美國投資者投資，所以商湯係好難入到呢啲國際性指數。商湯本身冇乜基本因素，首先冇乜盈利面，公司依家仲蝕緊錢，其次係收益都持續下跌，因此，純粹睇僅有嘅基本因素，商湯唔會係信心之選。
