【Now財經台】自今年初通關到最近「五一黃金周」假期，市場一直唱好消費股前景，不過，勝利瑞柏基金管理合伙人暨投資總監陳建良認為，市場忽視後疫情時代下消費股嘅成本上升壓力。
KL點出市場對消費股嘅5大分析盲點。
首先，疫情後大部分消費者嘅財政狀況較疫情前轉差。第二，雖然疫情後積壓需求(pent-up demand)引發報復式消費，但後續嘅消費力度可能無以為繼。第三，唔少產品已經加價，反而令銷售量減少，收入未必會大幅增長。第四，通脹高企下好難控制好產品成本，如運輸、人工等，因而壓縮咗毛利率。
KL續指，現時利率高於2019年水平，所以依家嘅估值好難同當年相比，而估值要低於2019年水平先算吸引。
