【Now財經台】百威亞太(01876)今朝出完季績後捱沽，係咪反映市場擔心第2季業績？百威股價今日插水，失守250天線，同業華潤啤酒(00291)及青島啤酒股份(00168)都要受壓，啤酒股後市應該點部署？
耀才證券研究部總監植耀輝指，樂觀啲睇，喺復常概念下，夜間消遣娛樂活動會慢慢增加，有利百威銷情，加上夏季係啤酒銷售旺季，所以第2季業績或會明顯反彈。佢又話，近年青啤、潤啤力拓高端市場，百威係內地高端啤酒市場龍頭，唔排除之後會爆發價格戰，因此，第2季業績係好關鍵。
投資部署方面，Stanley建議投資者再睇定啲，因為百威業績冇驚喜，加上啤酒業競爭愈嚟愈激烈，百威可能會為增加宣傳推廣而犧牲毛利率，所以要再觀望。
