【Now財經台】截至早上11時止，1小時內《彭博》用戶關注度上升最多港股，依次為中國平安(02318)、永利澳門(01128)、合景泰富集團(01813)、中國人壽(02628)、騰訊控股(00700)。
雖然澳門4月賭收按年大升逾4倍，內地「五一黃金周」長假數據又回復至疫前水平，但賭股連續第2日顯著回調。據據《彭博》最新分析指，雖然今年五一長假期內地旅遊出行人次，較2019年增加19%，但旅遊收入僅較2019年增長0.7%，反映「旺丁唔旺財」，加上野村指積壓需求釋放後，增速或會減慢，係咪解釋到賭股繼續獲利回套嘅情況？
椽盛資本投資總監曾永堅指，雖然賭收好過市場預期，但內地復常通關後，旅客消費力唔及疫前強，反映過去數年內地經濟下滑，加上內房危機，令內地人均消費及賭博消費都跌咗。
佢又話，VIP業務係賭股最大盈利增長動力，不過，內地賭客「手緊咗」，大大影響VIP業務收益，依家只能依靠中場收益支撐，因此，賭股要等VIP業務回復持續增長能力，先可以帶動估值提升。
