【Now財經台】奈雪的茶(02150)五一假期後返嚟走勢麻麻，噚日跌咗5%後，今朝平開後，股價繼續跌，一度再跌2.5%，低見7.58元，暫時成交金額逾600萬元。
奈雪的茶上月公布，第1季線下消費顯著復甦，單價按季增長10%至20%，集團話，有信心今年經營利潤率達20%以上，如果根據呢個復甦速度，市場估計，奈雪的茶今年上半年有機會扭虧為盈，仲會係上市以嚟第一個有錢賺嘅半年。不過，上半年業績要等到8月底先至公布，要炒虧轉盈爆發力可能仍要等一等。
奈雪的茶股價今年暫時仍跑贏大市，去年炒放寬防疫到依家股價反覆向上，一直守得住由去年10月底拉出嚟嘅上升趨勢線，但依家股價回落，再下試呢條趨勢線，但喺7.6元水平搵到少少支持。
