【Now財經台】交通銀行(03328)上周五出咗季績，股價今日一度高見5.34元，升逾5.5%，收市報5.23元，升3.3%。
交行去年淨經營收入按年升5%，股東應佔溢利按年升約5%，按季更升逾20%升幅，好過預期。
業績後，交行獲大家大行唱好，花旗話交行首季表現係大型內銀中最好，美銀證券就上調交行盈測、目標價及評級，匯豐證券指交行係3大首選內銀之一。
交行股價今日急升，錄得4個月以嚟最大單日升幅，股價今年暫時累升16%，跑贏大市外，亦跑贏其他5大內銀，綜合大行比交行嘅平均目標價約5.8元，即較現價仲有約10%潛在升幅。
