【股市脈搏】彩星玩具企得穩0.7元可上望...

【Now財經台】彩星玩具(00869)今朝低開後，好快就轉升，一度大升逾17%，高見0.74元，暫時成交金額逾460萬元。

彩星玩具今日炒上，唔知係咪因為近期開始「有數返」，公司3月出業績時提及，暑假檔期會有新忍者龜動畫電影上映，但睇返往績，忍者龜電影上映未必對集團收入有好大幫助。

彩星玩具今日價量齊升，即市高位見過0.74元，升穿2019年及2021年嘅高位和阻力，14天RSI亦升至70嘅超買水平，後市要留意企唔企得穩0.7元，如果企得穩就可以上望0.9元。