【Now財經台】招商銀行(03968)首季多賺7.8%至388億人仔，係7年以來最佳季度表現，但淨利息收入僅微升，淨息差亦要跌，而其他主要指標亦令投資者失望，係咪股價今日一度挫近7%嘅主因？
艾德金融聯席董事陳政深指，招行呢份業績嘅焦點喺利息收入，人民銀行有寬鬆動作難免會影響淨息差，所以市場都預咗淨利息收入唔會太好，值得留意係，淨利息收入佔整體收入逾60%，預示除咗內地息口向下外，全球利率亦開始見到個頂，未來下行空間一定大過上行空間，令人擔心環球經濟放緩，導致各國央行取採較寬鬆貨幣政策，喺呢國背景下，對任何銀行都係不利。
招行業績令市場失望，會唔會對其他內銀業績打定輸數，Ryan就話，招行收入及資產結構同其他內銀有啲唔同，招行唔少貸款同地產及樓市相關，而呢啲貸款主要來自一二線城市，所以違約風險未必太大，但資產質素仍會受質疑，但睇返大型國有商業銀行，唔少貸款來自國企，相關憂慮相對少，但唔代表咁樣會較安全，因為...
