【Now財經台】海倫司(09869)過去四個半年度淨虧損持續擴大，剛公布嘅首季業績終於有錢賺！
不過海倫司今年首季收入唔算突出，只有約3.5億元人民幣，不及去年中期收入嘅一半，然而高盛仍樂觀預期，海倫司今年上半年收入突破10億元，全年收入超過24億元。
華盛證券經紀部董事李偉傑就睇得審慎啲，指如果上半年收入要達到10億元，海倫司今季收入至少要有7億元以上，即係比上季多1倍。佢認為，除非內地「五．一」長假期嘅營收大升，否則佢預期集團上半年收入最多突破8億元。
海倫司今日股價曾挑戰250天線，Jason指，目前唔多資金流入餐飲股，預期股價喺13.5元至14元阻力區，會有較大拋售壓力，下個支持位在11.5元呢個橫行區間底部。
