【Now財經台】恒生銀行(00011)輕微高開後一度轉跌，好快又重拾升勢，最多升逾1%，高位見115.6元。
股價近日跌至接近110元，貼近去年11月低位，終於開始築底回升，管理層透露，通關後非香港客開戶急增，首季非香港居民嘅整體開戶數目按年大增2.6倍，單計3月已超過疫情前，即2019年上半年嘅每月平均數。不過，美國加息周期快完結，本港銀行又爭相高息吸存款，市場估計，銀行嘅淨息差喺呢一兩季度會見頂。
近日恒生股價升勢較慢，以今朝高位計，只係由近期低位升唔夠5%，同條50天線仲有大約3%距離。MACD只係熊區出現轉勢訊號，股價走勢未可以話確認轉強。
恒生去年純利倒退，全年派息少近20%，市場留意恒生4月底公布第一次中期息，相信會左右嚟緊股價。
